Takako的世界

o係年頭既時候, 因為airasia 有promotion, 於是我同d 好朋友, 就好快決定咁去沙巴啦, 因為佢地三個人都未去過, 而我之前都去過兩次, 所以今次亦都由我去做planning, 睇下我地要去邊玩..

由於airasia 每日得一班機, 每一都係下午四點幾機, 去到都七點幾啦, 已經係食夜晚飯既時候, 所以我已經決定左第一晚會去night market 食海鮮...

第二日, 我地就會去酒店既碼頭出去d 島玩, 享受下陽少與海灘, 當然唔少得浮潛啦...

第三日, 我想我地會參加one day trip, 去睇螢火蟲同o個d 猩猩 (本來想去激流, 不過因為其中一個朋友怕怕, 所以就cancel 左)

第四日, 當然就係女人至愛既shopping啦，沙巴亞庇市唔係好大，　而ｓｈｏｐｐｉｎｇ　ｍａｌｌ　都唔係有好多個，　所以我想一日都行得晒．．．

第五日，我地中午機，　所以都無得去邊度玩下啦．．．

唔知大家仲有無其他好地方可以介紹下畀小妹．．．． 

一落雨, 返工就好頭痛啦, 因為如果你想坐車都好難, 坐巴士? 多人多到上唔到車, 而家唔知係唔係d 巴士司機走晒去做d 賭場專車的, 所以而家有巴士無人開, 所以好耐先有一部車, 有車來, 架車就太多人, 上唔到車, 坐的士呢? d 的士又係唔見晒人, 澳門而家d 的士成日去晒賭場o個d 地方, 因為舊區多數係單行線, 又成日好塞車, 我想好多來澳門玩的香港人應該試過等好耐車.....

所以我近一年為左方便返工, 搬左出來, 搬去一個比較近我返工既地方, 免得因為坐車而攪到遲到, 每次落雨, 公司多數就有同事遲到, 原本可能只需要15分鐘既車程, 一落雨, 就起碼要多成1,2倍時間...其實都幾慘, 香港有大型運輸工具, 地鐵, 真的很方便, 又唔會塞車, 雖然返工時間人很多, 但係真的照顧了很多香港人, 澳門呢, 政府其實很多年前已經想有地鐵, 捷運之類既大型運輸工, 可惜最近才正式落實...不過澳門市民仲要多等幾年, 唉....澳門市民, 要忍耐呀!  

今日出完街返屋企既時候, 無啦啦後面有隻狗走出來,我一開樓下大門, 佢就好順便咁比我更快入左去, 我叫住佢, 佢就停一停, 見我行, 佢又行, 佢好似知我住o係邊, 上到去我屋企門口, 之後我就叫佢返落去, 佢又好聽話咁返左落去,走番出來....返去後, 我有d 擔心佢, 就拿左d 水畀佢飲,  仲拿左我貓貓d 乾糧畀佢食, 不過佢唔識呀, 仲好慘咁伸縮埋一個小地方....見佢個身好乾淨, 又有狗帶, 就o係度諗會唔會係走失左, 不過無得諗啦, 我帶唔到佢返屋企, 到夜晚, 阿媽落街想睇下佢o係唔o係度, 之後撞見d 街坊, 聽佢地講, 早幾日有對情侶帶住佢, o係度吵架, 之後就放低左隻狗o係度...唉, d 人真係....最後隻狗都得到我大廈其中一家人收養左佢.....算係好彩啦... 

 今日去左香港書展, 好多人, 我今日10點就已經o係灣仔會展, 可能係剛剛開門, 所以大會用左好多鐵馬擋住d 路, 行下又會停下, 原本一條大直路, 分開左幾條line, 等d 人沿住d 路來行, 唔洗打晒交叉, d 人亦都好有秩序, 無爭先恐後, 直得一讚.....

今年我買書算係輕手左, 上一年我買左20幾30本書, 到今時今日都未睇晒, 不過一向睇開既作者都有出書, 所以都會買, 所以而家有好多都未睇, 因為咁,我今年買左10本書而已, 而其中有三書, 係我一個朋友介紹畀我睇的, 因為佢話好睇的, 真係會好睇....而家係時候打小d 機,要多番d 睇書啦

今晚又去台灣啦, 希望今次唔好下雨啦, 這是我第5次去台灣, 之前O個4次都係有下雨, 唔通我係貴人?

好早之前因為有平機票, 所以好早已經同d 同學約好左去沙巴旅行, 其實今年年頭已經去過一次, 不過當時既目的係去潛水, 而今次, 雖然已經係第三次沙巴，不過係同D 同學去...而因為一宜未決定住邊一間酒店, 所以仲未BOOK, 點知早兩日去BOOK, 發覺想訂O個間FULL 左, 唉．．．而家得返ｄ貴．．．所以要問多幾間先可以ＢＯＯＫ．．．真係有Ｄ煩，　真係怪自己點解唔一早ＢＯＯＫ　左佢．．．嗚嗚

講下近況, 最近發生既事, 令我發覺部門與部門之間既溝通真係好重要...亦發現好多部門既人, 未理解清楚就會鬧人, 做左一年, 第一次畀人鬧, 感覺係點, 受辱囉, 因為成件事係唔關我地部門事, 不過都係畀人鬧左先 (我亦成為了爆灰, 好似我地係要負責所有野, 唔係點解我會o係度, 講到我無晒價值都出埋, 我係一個文員仔,人地係部門經理, 高級過我既同事未出聲, 我就已經畀人鬧到咁, 其實我有d 唔開心自己部門其他上司唔出聲, 因為我地經理出左trip, 無人同我平反, d 同事就算幾支持我都無用, 因為已經受左屈辱啦), 最後仲要去信我部門經理,叫我地同其他部門好好溝通也...原來邊一個鬧人先就好似一定對晒, 係....保護自己部門是對的, 不過未攪清楚去鬧左人先, 令我體會到原來可以咁野蠻, 真係對公司有d 灰心, 雖然最後發現左唔係我地既錯, 問題係出現o係佢地身上, 但唔通佢地會向你認錯咩, 唔會囉, 真係好激氣....有d hurt, 所以有想走人既念頭, 其實仲因為覺得公司對我地唔係好重視, 當然就係加人工方面, 做左一年, 加左少少, 以而家水平, 真係有d 唔尊重我地, 唔通真係我地太差?

昨日一起身, 已經覺得好唔舒服, 訓到半夜, 個肚好痛, 痛醒左, 以為要去TOILET, 點知唔係....所以繼續訓, 起身無晒力, 出左去一陣, 就返左屋企, 就一直訓...訓到夜晚, 都唔想食飯, 之後返左上張床度, 飲左一杯水, 就開始嘔了.....個肚有D痛, 無力, 頭暈咁, 所以今朝都無返工, 走左去睇醫生...醫生話係胃炎, 叫我唔好食咁啦油膩野....唉...都唔知係唔係而家食野, 食得清得制, 一食D 油D 既野, 個胃就頂唔順....

今次有個意外收獲, 瘦左4磅, 不過我諗係假的, 十日後, 一定無左....HAHA~~~

我關了手機 用力的深呼吸
告訴我自己 沒有什麼了不起
就當我和你演一齣愛情戲
流一點眼淚沒關係

也許是我太年輕 不懂你要的關係
並不只是一對一 才會傷害自己

原來這才是真的你
無法掌握自己的心
偶爾花言巧語 偶爾又選擇逃避
自作聰明

原來這才是真的你
習慣演戲 隨時在磨練演技
忘了什麼叫做真心
你想找誰合演對手戲
這是你的權利就讓你自己決定

愛情過了保鮮期 就像玩膩的遊戲
不再想要一對一 開始沒有耐性

原來這才是真的你
無法掌握自己的心
偶爾花言巧語 偶爾又選擇逃避
自作聰明

原來這才是真的你
習慣演戲 隨時在磨練演技
忘了什麼叫做真心
你想找誰合演對手戲
這是你的權利就讓你自己決定

雖然淚水淹沒了眼睛
我卻情願讓心痛一個徹底
決定就現在喊停不再受委屈

原來這才是真的你
無法掌握自己的心
偶爾花言巧語 偶爾又選擇逃避
自作聰明

原來這才是真的你
習慣演戲 隨時在磨練演技
忘了什麼叫做真心
你想找誰合演對手戲
這是你的權利就讓你自己決定

是第四次去台北了, 每一天都下著雨, 好似沒有晴天, 每一次去的時候, 總是下著雨...可能因為旅行的關係, 所以沒有太多既唔開心, 跟台北的朋友也越來越好, 謝謝你, 文婷! 害你總是要聽著不會說國語的我, 還好, 你總是很有耐心的聽我說話...很喜歡跟你一起的時間, 因為你令我跟喜歡台北...

今次去台北, 在路上聽到一位的士司機, 說一下當地人對政治的體法, 對阿扁亦有所改觀, 知道了當時做台北市長既佢, 所做既野...知道為什麼有一些死硬派既人為什麼還會支持它, 對於我來說, 我是中國人, 對於佢一直想把台灣獨立及一些貪污新聞, 總是很討厭這個人, 不過今次真的有點改觀....希望台灣跟中國可以真的好好和平共處...

今早一出門口, 去坐車既時候, 已經覺得非常之熱, 而家先係六月, 仲有七,八,九月....攪到而家中午都唔想出去食飯....

 

雖然今日都有出去食飯, 去左金沙食堂食飯, 而家因為有優惠卷, 所以都幾平下, 而且唔太多人去食, 所以多數有位, 我地今日就有9個人一齊去食...d 野好ok,每人叫一樣野食, 都有成9樣野....好豐富呢....最後一人都係食左20幾元...抵...之後我做左好CHEAP 既野, 就係...O係賭場拿左D 免費飲品, 我就拿左一支水, 同飲左一杯檸樂

這是昨晚看網上報紙時知道的, 聽到的第一個反應係...下...唔係嘛....佢好後生, 不過原來已經40歲啦, 佢係o係醫院趺落樓梯, 使大腦嚴重挫傷, 而警方懷疑有可能係自殺, 唉....

 

我記我很小的時候, 已經有聽佢唱歌, 其中一首好出名既歌係...寶礦力既廣告歌, 聽左心情會勁好既歌....

 

而家等大家重溫一下啦...

http://www.youtube.com/watch?v=hNby5lE28hA (寶礦力廣告)

http://www.youtube.com/watch?v=DZQrNywyJFU&mode=related&search= (有佢演出既版本)

 

 

很久沒有看見這麼大的雨, 由昨晚開始一直下雨...都今早也是這樣....看看我在家拍出出去的照片...原來從我家拍出去也蠻美的...haha~~~~~~~

Tonight, we have a celebration with Betty in pizza hut, seven of us take a set dinner of two persons and still we cannot eat much.....haha~~~because we have to eat a birthday cheese cake....first time to eat a cheese cake with salty taste.  But I don't really care and....it is my first time not to finish my dish, I used to finish what I have on the dish, even I got a small piece of cheese cake, I still just eat a little bit...haha, really want to keep fit....

 

Here I have to say, Happy Birthday to my dearest Betty....don't make yourself so tired...!  Hahaha~~

昨晚去左香港睇梁靜茹既演唱會...為左咁, 我同我個frd 提早放工, 坐17:30 既船過香港, 開頭都幾擔心會好似上一次睇孫燕姿咁, 趕唔切去....好彩,提早左去既我地, 無遲,仲早左tim...

 

今次既演唱會, 我其實期待見到張智成, 因為佢係靜茹既表哥, 諗住佢會做嘉賓, 點知...最後佢無出現過, 有少少失望....不過梁靜茹真係唱得好好....如果要我畀分, 我會畀佢85分, 扣左既分...係...佢無咩跳舞....少左少少舞台味....

Comparing with the previous 1 & 2, the technology has been improved a lot, however, it makes me quite dizzy of watching this because too much fast actions.....all in all, it is a good show.

 

Kirsten has become more prettier, Tobey?? he has a good shape in the movies...only in movies not in reality...James?  Oh! Got died finally, pity! 

 

Funny thing, a kids has worn a spiderman mask to watch the movies.....haha~~~~so cute!

向愛情出發係一套廣播劇,  係一套有成十幾年既廣播劇....記得o個時很喜歡鄭秀文....所以特別鍾意聽, 亦都係我第一次真真正正聽既廣播劇, 這一套係由鄭秀文同杜德偉一齊做既....當然都係一個愛情故事啦....

 

十幾年無聽番, 近幾日腦海裡又記番起這一套廣播劇, 於是就上網找....找左好耐, 終於找到, 仲係齊晒, 因為我記得我十幾年前聽既時候, 我係無聽頭幾集, 係因為佢出番小說, 先知道開頭係點既....而家聽番個感覺係....同以前一樣....好攪笑...唔知係唔係即係代表我十幾年都無咩點成長過??

最近放工後, 都很累, 所以夜晚都很少上網, 唔知係唔係因為返工既時候, 都有得上網, 所以放工都唔想對住部電腦, 不過有時都會打下機....唔打機, 就去睇下書, 由於不斷買書, 有好多本都仲未睇, 而家係時候清下佢, 如果唔係到香港書展既時候, 就無藉口買書...

 

昨晚就睇左一本書....一個星期睇一本書, 我覺得都好慢下, 不過有時真係提唔起精神, 發覺而家連寫寫野, 我指用支筆寫左...都好難, 唔知係唔係而家用電腦實在太方便, 所以我係唔會無啦啦拿起支筆寫字....而家真係覺得個腦生鏽, 我終於明白點解d 人話, 做左幾年野之後, 再去讀書, 會好辛苦, 我而家好明白...而家我好擔心, 係時候找d 野讀下, 如果唔係....我就死啦....

 

 

一連五日既復活節既假期, 又進入尾聲啦....今個假期唔知點解, 覺得好悶, 無地方好去, 於是就係成日o係屋企打機....另外就係同左我d 同學去食buffet, 新葡京既buffet, 味道一般, 隨左多人, 我都唔知用咩去形容, 仲有...就係好多waitress 都係勞工, 唔識講廣東話, o個度冷氣唔夠, 聞到服務員有體臭....真是的....

 

食完buffet, 去了唱k , 臨時既決定係...搵唔到唱k 既地方, 一向會以為energy 一定有位既我地...打左好多次電話都無人聽....原來無開門....唔知係裝修定係咩...不過我地最後都搵到一個地方....係富豪酒店...原來佢地而家有一間karaoke...個場唔錯, 可能係新, 無咩人知, so 竟然有位...本來覺得好貴...點知原來都ok, 有新歌...我地要找既歌, 全部都有...d 野食, 好大碟....不過食完buffet 既我地, 實在無quota 去食....so 係咁飲金桔檸檬茶, 我一個人就飲左三杯, 另外一杯野....值得推介這一個方...

 

另外我放假太得閒...於是我又去把我既頭髮整返直.....haha...而家覺得d 頭髮好長...不知幾開心....就係咁...我又成日照鏡啦....我真係懷疑我係照鏡魔怪, 一有d 可以睇到我個樣既, 我都要照...不論係車既側鏡, windows 呀, 總之會反光既野都會照, 我最記得就係我frd個太陽眼鏡係反光既．．．我都照一餐．．．佢見我望住佢．．．佢就知我ｏ係度照鏡．．．．ｈａｈａ～～～

一部電子打籃球機, 就整傷了我的腳, 其實O個日係無咩事, 唔知點解過左兩日, 就開始痛啦, 唉....好似長短腳咁, 柺下柺下咁行, 不過真係好痛, 隻腳一用力就好痛, 所以而家返工做野都唔方便, 因為有時坐O係度都好痛, 都幾慘....

 

去睇醫生, 醫生話我係腳既根扭傷左, 係因為.....我太重啦, 佢叫我減肥....唉....死得....

其實好耐之前已經想去, 不過唔知邊度有得學, 後來因為原來我大學同學而且又係同事既阿sam, 原來佢係教瑜珈既, 咁就好啦....就可以去學啦...其實我學既原因好簡單, 係減肥, 不過聽人講, 都唔係咁易減的, but anyway, 去做下運動都好既....

 

不過都係要多謝helena 同helen 啦, 如果唔係佢兩個陪我, 我都未必會去, 今日同佢地一齊去....感覺係....環境好嚴肅, 唔出聲....所以有時有d 動作做唔到, 好多笑...不過要忍, 都幾辛苦架....haha...不過時間過得好快....做下做下就一個鐘啦, 希望可以堅持下去....

 

仲有, 就係今日無意發現左, 去沙巴又有平機票, 之後就....又去啦....今次係去得最少既一次, 5日既trip, 不過對於我地來講, ok 啦....平就得啦....

 

 

放左差唔多十日假, 終於要返工啦, 成個假期都無咩做, 日日出下街, 一係就o係屋企打下機, 其實都有d 無聊....明日係新年後第一日既工作日, 又係一個新既開始, 仲要提早半個鐘返工....開工大吉!

 

之前去完旅行, 返來一個星期又放假....攪到而家個心離公司好遠咁, 同埋成日發夢自己仲讀緊中學, 証明中學係我讀書生涯裡最辛苦, 亦都係學野最多既....發夢時見到d 試題, 全部都唔識, 唔知攪咩鬼, 見到d 英文又唔識....真係一額汗....

 

最近都無咩見我d 朋友, 係時候要約下佢地出來食飯啦.....睇下你地幾時得閒啦....

 

終於返來啦.....又唔經唔覺去左沙巴6日, 第一日去既時候, 因為係AIRASIA 既首航, 所以有歡迎儀式, 每人送左一條用珠造既錬, HAHA....之後第二日轉機由亞庇飛左去斗湖, 由於未夠鐘, 走左去行下, 點知行過, 見到首航既歡迎儀式登左頭版, 見到自己個樣o係張報紙度, 就係咁, 就上左頭版啦....

 

去到斗湖 (Tawan) 仲未到要去既地方, 仲要坐左一個hour 多d 既車去仙度娜 (Semporna), 留左一日, 終於出海啦, 我地去左馬寶 (Mabul) 住一d 高腳屋, 雖然好多野都簡陋, 不過真係好relax, 之後我地就出左另外一個島, 就係詩巴丹(Sipadan) 佢同Mabul 都係世界好出名的潛水勝地, 我去詩巴丹就未有開始玩潛水, 只係o係beach 度曬下太陽, 玩下浮潛, 點知畀我見到海龜同鯊魚.....嚇死我...haha~~~

 

之後就返左馬寶啦....終於鼓起勇氣, 走左去潛水, 由於我係無潛水牌, 所以我玩既係discovery dive, 同一般潛水無咩唔同, 唔同在於, 係要有trainer 拖住我隻手, 第一次潛既時候, 由於耳朵唔識點控制氣壓加緊張, 都無得點潛, o係水度上上落落, 好慘咁....之後返去休息左兩三個hour, 就去第二次, 好彩, 好順利落到水底....好開心, 係因為成功左, 而且又再一次見到海龜, haha~~~

 

經過四日, 我地由從tawau 飛返去 亞庇, 不過真係無咩時間買野.....haha....算啦, 因為今次來既目的係想去潛水....希望可以快d 可以去多次啦...

剛過去的星期日, 走左去做姊妹, 我的好朋友jenny 結婚, 其實中學畢業之後, 佢就去左美國生活, 因此就識左佢既老公, 為了熱鬧一點, 就回澳補擺喜酒, 雖然話係補擺, 但係都做足架....例如接新娘, 玩新郎 (其實無咩點玩) 因為d 長輩係咁幫住佢地....之後就去行大運, 去左影相, 之後又返來澳門去教堂行禮, 其實我係第一次觀禮的, 一切都覺得很新奇....到夜晚, 好忙....因為要幫主人家迎賓....雖然其中出左一少少意外, 不過都提jenny 開心的....而仲有一樣係...跟我同坐的, 全都是我中學既同學...實在係非常之開心....

 

仲有其實今次係我第一次做姊妹, 可能唔係做得幾好, 不過原來兄弟跟姊妹一定要有溝通, 因為好像很亂, 沒有默契....真的要多多學習...

 

還有, 要知道請兄弟跟姊妹, 要請一些真的會幫忙的人, 要不是多多人也沒用...只會把工作集中了某幾個人, 而使那些人很辛苦....真的要多多學習...